Lotayamm

search
မာတိကာ

contents

စေတနာကမ်းလက်များ > အစီအစဉ်

ဆည်းဆာရိပ်ဂိလာနဘိုးဘွားများရိပ်သာ
အစီစဉ် အမှတ် : 1007
၂၀၁၀ခုနှစ် ဧပြီလ(၅)ရက်နေ့တွင် စတင်ဖွင့်လှစ်ခဲ့သည်။ အဘိုးအဘွား(၁၀၇)ဦးအတွက် တစ်နေ့တာ ဆေးကုသစရိတ်နှင့် အာဟာရကျွေးမွေးရန် ကျပ်(၂)သိန်းခန့်ကုန်ကျ၍ ဆရာဝန်များ၊ သူနာပြုဆရာမများနှင့် ၀န်ထမ်းစုစုပေါင်း(၈၇)ဦးအတွက် လစဉ် သိန်းနှစ်ရာ့ငါးဆယ်ခန့်သုံးစွဲရန် လိုအပ်နေပါသည်။
လှူဒါန်းရန်
အစီအစဉ်၏ အသေးစိတ် အချက်အလက်များ
ဆည်းဆာရိပ်ဂိလာနဘိုးဘွားများရိပ်သာ ဆည်းဆာရိပ်ဂိလာနဘိုးဘွားများရိပ်သာ ဆည်းဆာရိပ်ဂိလာနဘိုးဘွားများရိပ်သာ ဆည်းဆာရိပ်ဂိလာနဘိုးဘွားများရိပ်သာ ဆည်းဆာရိပ်ဂိလာနဘိုးဘွားများရိပ်သာ
လူမှုပတ်ဝန်းကျင်အသိုင်းအ၀ိုင်းတွင်အသက်အရွယ်အိုမင်း၍ခိုကိုးရာမဲ့ ဂိလာနဘိုးဘွားများနှင့် သားသမီး ဆွေမျိုးများရှိသော်လည်း ပြုစုစောင့်ရှောက်နိုင်သည့် အခြေအနေတွင်မရှိသည့် ဘိုးဘွားများ၊ ဆေးရုံများ၊ ဘူတာရုံများ၊ သင်္ချိုင်းများ၊ အမှိုက်ပုံများတွင် လာရောက်စွန့်ပစ်ခြင်းကိုခံရသည့် ဂိလာနဘိုးဘွားများအား လက်ခံခေါ်ယူ၍ ဆေးစစ်ပေးခြင်း၊၂၄ နာရီ ဆရာဝန်များ၊ သူနာပြုများဖြင့် အနီးကပ်ပြုစု စောင့်ရှောက် ကုသပေးခြင်း၊ အာဟာရကျွေးမွေးခြင်း၊ တစ်ကိုယ်ရေသန့်ရှင်းရေး၊ ဘိုးဘွားတို့၏ ကိုးကွယ်ရာ ဘာသာ အလိုက် ကျင့်ကြံအားထုတ်နေထိုင်နိုင်ရေးတို့အတွက် ဆောင်ရွက်ပေးပါသည်။ဘိုးဘွားများအား နေ့စဉ် နံနက် ၇ နာရီတွင် နံနက်စာ၊ နေ့လည် ၁၁ နာရီတွင်နေ့လည်စာ၊ အဆာပြေစာအဖြစ် နေ့လည် ၂ နာရီ၊ ညစာအဖြစ် ညနေ ၅ နာရီနှင့် ည ၈း၃၀ မှ ၉း၀၀ နာရီ အချိန်အတွင်း အားဖြည့်အာဟာရတို့ကို ကျွေးမွေးပါသည်။ ဘိုးဘွားများ၏လက်ရှိကျန်းမာရေးအခြေအနေနှင့် လှုပ်ရှားနိုင်စွမ်းကိုကြည့်၍ ကျန်းမာရေးဝန်ထမ်းများနှင့် စေတနာရှင်များမှ အခါမလပ် စနစ်တကျပြုစုစောင့်ရှောက်ပေးပါသည်။ အမှုဆောင် အဖွဲ့မှလည်း နေ့စဉ်အလှည့်ကျသွားရောက်ကြည့်ရှု၍ လိုအပ်ချက်မှန်သမျှကို ဖြည့်ဆည်းပေးလျက်ရှိပါသည်။ ၀န်ထမ်းများခန့်အပ်ရာ၌လည်း ပရဟိတလုပ်ငန်းများကို စိတ်ပါဝင်စား၍ ဆေးပညာတတ်မြောက်သူများ၊ သက်ကြီးရွယ်အို ခိုကိုးရာမဲ့နာမကျန်းဘိုးဘွားများကိုချစ်မြတ်နိုး၍ စိတ်ရှည်သီးခံနိုင်သူများကိုသာ ခန့်အပ်တာဝန် ပေးထားပါသည်။ အဖွဲ့ဝင်အလှူရှင်တစ်ဦးမှ လှူဒါန်းသော အသင်းပိုင်မြေနေရာတွင် စေတနာရှင်များ၏ အလှူငွေဖြင့်အဆောက်အအုံဆောက်လုပ်၍ လုပ်ငန်းစတင်ရန် ထိုမှတဖန် အလှူငွေတိုးတက်မှုအပေါ်တွင်အခြေခံ၍ မြေနှင့်အဆောက်အုံတိုးချဲ့၍ ဂိလာနဘိုးဘွားများအား ထပ်မံလက်ခံရန်လည်း ကြိုးပမ်းလျက်ရှိပါသည်။ ယခုအခါတွင် လေးထပ် အဆောက်အအုံသစ်ကြီးအား ထပ်မံဆောက်လုပ်နေပြီဖြစ်ပြီး ဆောက်လုပ်ပြီးစီးပါက ခိုကိုးရာမဲ့ ဘိုးဘွားများအား ထပ်မံခေါ်ယူ စောင့်ရှောက်နိုင်ရေးအတွက် ကြိုးပမ်းနေပြီဖြစ်ပါသည်။ ယခုအစီအစဉ်မှာ လစဉ်အမြဲ ပုံမှန်ကုန်ကျမှု ရှိနေသည့် အစီအစဉ်တစ်ခုဖြစ်သဖြင့် အသက်အရွယ်ကြီးရင့်သူများကို စောင့်ရှောက်လိုသူဒါနရှင်များအား ဖိတ်ခေါ်အပ်ပါသည်။

အခြား အစီအစဉ်များ