Lotayamm

search
မာတိကာ

contents

စေတနာကမ်းလက်များ > အစီအစဉ်

အိမ်ယာမြေပံ့ပိုးပေးခြင်း
အစီစဉ် အမှတ် : 1009
ဧရာဝတီတိုင်းဒေသကြီး၊ပန်းတနော်မြို့နယ် ကဿဝင်ကျေးရွာအုပ်စု ရွှေဖလားကျွန်းကျေးရွာသည် ဧရာဝတီမြစ်ကမ်းပါးတွင်တည်ရှိပြီး မြစ်ကမ်းပါးပြိုခြင်းကို (၆၅)အိမ်ထောင်စု ထိခိုက်ခံစားခဲ့ရပါသဖြင့်မြေနေရာနှင့် နေအိမ်အသစ်များ ပံ့ပိုးပေးခြင်းစီမံကိန်း အကောင်ထည်ဖော် ဆောင်ရွက်နေပါသည်။
လှူဒါန်းရန်
အစီအစဉ်၏ အသေးစိတ် အချက်အလက်များ
အိမ်ယာမြေပံ့ပိုးပေးခြင်း အိမ်ယာမြေပံ့ပိုးပေးခြင်း အိမ်ယာမြေပံ့ပိုးပေးခြင်း အိမ်ယာမြေပံ့ပိုးပေးခြင်း
မြစ်ကမ်းပါးပြိုထိခိုက်ပျက်စီးခံခဲ့ရသော ဧရာဝတီတိုင်းဒေသကြီး ပန်းတနော်မြို့နယ် ကဿကျေးရွာအုပ်စု ရွှေဖလားကျွန်းကျေးရွာတွင် အိမ်ထောင်စု(၆၅)စုအတွက်မြေနေရာနှင့်အိမ်အသစ်ပံ့ပိုးပေးခြင်း မြေနေရာ၆၅ကွက်၊ ကျေးလက်ဆေးပေးခန်း၊ စာကြည့်တိုက်နှင့်ရေစင်ဆောက်လုပ်ရန်အတွက်(၃)ကွက် စုစုပေါင်းမြေကွက်(၆၉)ကွက် (၄၀ပေ×၅၁ပေ)အား ဖော်ဆောင်ပေးခဲ့ပါသည်။ အိမ်ထောင်စု(၆၅)စုကို ထိခိုက်လွယ်ဦးစားပေးအဆင့်များသတ်မှတ်ဖော်ထုတ်ပြီး နေအိမ်များပြန်လည်တည်ဆောက်ပေးရန် ဆောင်ရွက်ခဲ့ပါသည်။ နေအိမ်များကို သဘာဝဘေးအန္တရာယ်ခံစားရမှုမှ သက်သာနိုင်စေရန်ရည်ရွယ်ချက်ဖြင့် ခြေတံရှည်အိမ်များဆောက်လုပ်ရန် သဘောတူညီခဲ့ကြပါသည်။ ပထမဦးစားပေးအိမ်ထောင်စု(၂၀)အား နေအိမ်များဆောက်လုပ်နိုင်စေရန် သစ်၊သွပ်အချပ် (၂၀)စီနှင့်လက်သမားစရိတ်များ၊ ကျန်ရှိ(၄၅)အိမ် ထောင်စုများကို သွပ်အချပ်ရေ(၂၀)စီကိုသာကူညီပံ့ပိုးပေးနိုင်ခဲ့ပြီး အိမ်ဆောက်လုပ်ရန်သစ်နှင့်လက်သမားစရိတ်များပံ့ပိုးပေးရန် ဆက်လက်လိုအပ်လျက်ရှိပါသည်။ ဆက်လက်ပံ့ပိုးရန်လိုအပ်နေသောအိမ်ထောင်စု (၄၅)စုသည်နေအိမ်မြေနေရာပျက်စီးဆုံးရှုံးရခြင်း၊စိုက်ပျိုးမြေနေရာများမရှိခြင်းကြောင့် အခြားမြေယာပိုင်ရှိသူများထံမှ မြေယာငှားရမ်းခပေးဆောင်ပြီး အသက်မွေးကြောင်းပြုနေရခြင်းများကြောင့် ယခုလက်ရှိ အခြေအနေတွင်နေအိမ်အသစ်ပြန်လည်တည်ဆောက်ရန်ခက်ခဲနေကြောင်းကိုကျေးရွာမြေယာစီမံခန့်ခွဲမှုကော်မတီများမှတင်ပြဆွေးနွေးခဲ့ပါသည်။ မြစ်ကမ်းပါးပြိုအိမ်ထောင်စုများအတွက် မြေနေရာအိမ်အသစ် များတွင်သောက်သုံးရေရရှိနိုင်စေရန်အတွက် အနက်ပေ(၃၀၀)၊၃လက္မအဝီစိစက်ရေတွင်းတူးဖော်ခဲ့ပြီး အမြင့်ပေ(၁၀)ရှိ ရေစင်တည်ဆောက်ကာ ကျေးရွာထဲအရောက်ရေပိုက်လိုင်းသွယ်တန်းမှုအစီအစဉ်များအား ချမှတ်အကောင်ထည်ဖော် ဆောင်ရွက်လျက်ရှိပါသည်။ကျေးရွာဖွံ့ဖြိုးရေးအတွက်ဆေးပေးခန်း၊စာကြည့်တိုက်နှင့်လျှပ်စစ်မီးရရှိရေးလိုအပ်မှုများရှိနေပါသည်။

အခြား အစီအစဉ်များ